المتابعون للمدونة

الخميس، 14 أبريل 2016

مصادرة


مصادرة 

ما لكشي الحق في رفضي = عشان فُرَصِك خلاص فاتوا

أنا هاحجر على قلبك = وأصادر كل دقاته

سنين لا هربتي من حبي = ولا دوقتي ملذاته

وعقلك عذبك جدا = وقلبك خايفة غنواته

خلاص يا حبيبتي هتدخل = أخيرا هانهي مأساته

وبعلن إني أمّمتِك = لقلبي بمُرّه وحَلاته

هاضمّ فْ فرحي وفْ جرحي = هواكي بكل حالاته

عشان حكمك على نفسك = سنين ساجنك ف دمعاته

فكوني جارية بين حضني = وسيبي عرش آهاته

وعمر ما حد هيلومك = على ضعفك وأناته

ما دام رقة لمن حبك = وحابسك جوا جناته 

محمد حمدي غانم
14/4/2016

 

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

صفحة الشاعر