عروستي
مش
هسمح لِك تلعبي بيا = زيّ العسكر والحرامية!
أو
مسّاكة وحلّق حوش = أفضل أجري ورايا وحوش
دوّختيني
يا لمونة = دمع وويل وآهات مجنونة
ما
تقولي حبك ليه مش سهل = ارخي شوية قطعتي الحبل
عمال
أرص سبع بلاطات = وأنتي تقولي التعلب فات!
***
آه
لو نلعب بس عروستي = بس سؤالها سهل شوية
قلب
مقدم عمره هدية = نفسه ف رشفة م الحنية
لكن
حظه منها أسيّة = لسة ما بانشي؟.. قولي عروستي
***
واحد
يغضب من هجرانك = بعد ما باع الدنيا عشانك
كل
ما يوعد إنه يباعد = يرجع طالب دنيا أمانك
يرمي
زمانه بين أحضانك = لسة ما بانشي؟.. قولي عروستي
***
لما
رجع لك مادد إيده = يحلم يلقى ف قلبك عيده
سلمتيله
بإيدك قيده = مسجون شوقك، ناره تئيده
واللي
يقوله ف شِعره يعيده = لسة ما بانشي؟.. قولي عروستي
***
لما
تصيدني لعينك نظره = أنسى ليالي الوحدة المُرّة
مرة
بتجري وراها المرة = نرجع تاني لنفس الجرّة
أفضل
واقف أحرس توهتي = لسة هقولّك تاني عروستي؟
***
أيوا
برافو ما انتي فهمتي = أحلم بقى تبقي لي عروستي؟
محمد
حمدي غانم، 1997
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.