الكورة ف ملعبك!
يا
اللي أنتي خايفة تكلميني.. كبريائك غلّبك!
يا~ بنتي ما تهاودي
شوية فيها إيه لمّا أغْلِبك؟
ولا
انتي مستنية أقولك كلمة منّي تقربك؟
مانا
من زمان قلت اللي عندي وجيت بحبّي أخطبك
إزاي
بقى مش واخدة بالك إن كورتي ف ملعبك
صعبة
عليكْ كلمة "بحبَّك"؟.. طَبْ تحبّي أدرّبك؟!
طَبْ
قولي "آسفة" عشان أبطّل باشتياقك أعذّبك!
أو
"كل أضحى وانت طيب" من دموعك أطيّبك
هُوَّ
انتي خايفة لو جتيني أشد شعرك وأضربك؟!
مع
إن أنا ـ كلمة ف سرّك ـ نفسي أَكْلِك واشْربك!!
ولاّ
انتي فاكرة إنّي أقدر من حياتي أشطبك؟
طَبْ
هاتي نمرة تلفونك يمكن أشحن وأطلبك! :)
محمد حمدي غانم
24/9/2015
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.